Die laaste rondte begin ...

Goeie middag!

 

Die laaste rondte vir alle voorbereidings het begin. Vandag gaan al my visumaansoeke en paspoort in Johannesburg toe na die visumdiens wat vir my die aansoeke gaan doen. Omdat ek ver van Pretoria af is en die tolfooie so hoog is, kom dit vir my goedkoper uit om die diens die rywerk te laat doen as vir my om elke keer te ry. (Hoekom moet 'n motorfiets dieselfde tolfooi betaal as 'n swaar 4x4?)

 

Abdul het ek nou in die kassie van vergetenes gesit. Ek sal in Egipte na moontlikhede soek om in Tunisië of Griekeland uit te kom.

 

Volgende Donderdag moet my fiets in Johannesburg wees. Dan word die laaste paar veranderinge aangebring. Ek sal julle op hoogte hou wat alles gedoen is.

 

Al dokumentasie wat nog gedoen moet word, is die Carnet de Passage. Hiervoor is alle vorms reeds ingevul en die bankwaarborg en waardasiesertifikaat gekry. Dit stuur ek so drie weke voor my vertrek na die AA. Dan moet ek ook nog die Internasionale Rybewys kry.

 

Kenia: Dit is jammer wat daar gebeur. Elke mens wat doodgemaak word, is een te veel. Dit is egter nog 6 weke voor my vertrek en ek hou duim vas dat verstand seëvier. Ek dink aan alternatiewe roetes as Kenia onmoontlik sou word. Ek is bevrees daar is nie werklik veel opsies nie omdat elke opsie 'n streek het wat miskien net so gevaarlik is soos (Noord-Uganda, Darfoer).

 

Groete!

 

 

Good day to you!

 

I am on the last lap with all my preparations. Today all my visa applications were sent to Johannesburg from where a visa service will handle all the applications. I live just too far from Pretoria to go to all the embassies myself. Adding to the fuel cost are the toll fees, which are quite ridiculous. (Why must a motorcycle pay the same toll fee as a heavy 4x4?)

 

I put Abdul in the cupboard of people to be forgotten. I will try and find ways of getting out of Egypt while in Egypt.

 

Next Thursday the KLR must be in Johannesburg for all the upgrades that are necessary. I will keep you posted on what has been done.

 

The only outstanding documentation are the Carnet de Passage and international drivers' license. I already have all the documentation needed for the Carnet, the bank guarantee and valuation certificate.

 

Kenya: What a pity that so many lives were lost due to the political violence. The human being is quite often not worth the description 'human'. I have 6 weeks before my departure, and until then much can happen, for the better or worse. I am looking at alternatives but I am afraid the options are very limited. Two of the three options include even more dangerous sections, northern Ethiopia and the Darfur region, for example.

 

Regards!