Sunday, April 19, 2009

Vandag 'n jaar terug

Vandag 'n jaar terug was die bloedigwarme dag tot by Khartoem, Soedan. Ek het die foto laatmiddag op die kampeerterein geneem.

Foto's van Calvinia Hantamhuis en die Knersvlakte

Die ontbyt by die Hantamhuis was na die vorige aand se rampspoedige aandete by Myl 240, uit die boonste rakke. Voor die groot bord kos het ek nog mieliepap gehad. Die swart voorwerpie op die bored is 'n skilpadjie (lewer in netvet).
 

Calvinia, die Hantamhuis

As jy beplan om Calvinia te besoek en lekker verblyf en etes soek, kontak Alta Coetzee by 027 341 1606. Nee, ek het nie verniet daar gebly nie, ek skryf dit uit oortuiging.

Saturday, April 18, 2009

Calvinia


Die wye vlaktes noord van Calvinia met die Hantamberge.


Kamele pas in hierdie gebied.


Eiesoortige Afrikaans.


Waar anders betaal mens net R 12.00 vir 'n roosterkoek met konfyt, 'n skaaptjop en 'n stuk skaapwors? Ek wil die jaar die Vleisfees einde Augustus hier bywoon.


My "outydse" kamer.


Die goed uit ons kinderjare.


Ja.


Die grootste posbus op ons planeet, 6.17m hoog. Links is die opening waar mens briewe kan pos.


Op die poskantoor se muur is hierdie ploegtoneel uit die 19de eeu.


Onthou julle nog hierdie muurversierings?

Friday, April 17, 2009

Kenhardt








Op my reis deur Suid-Afrika om al die FSA-aansoekers te sien, het ek laatmiddag op Kenhardt gestop. Ek was jare laas hier. Ek het baie dinge anders, beter, gesien as toe ek laas hier was.

In die Bike SA het ek van die hotel hier gelees. Eeton en Suzette Wickens is die eienaars en baie pro-bikers.

Ek kan enige een aanraai om hier te stop en oor te bly. Wat 'n heerlike aand het ek hier gehad! Ek hoop om in September terug te wees hier vir 'n aanbieding oor Naboom2Germany.

Eeton het verlede jaar net onder die 3 000 km op 'n 125cc bromponie gery om geld vir die plaaslike ouetehuis in te samel. Kyk op die foto na sy roete. Dit was 'n dapper poging!

Die kos was puik. Alle dames wat 'n goeie man soek, hier is baie jong boere in die distrik wat nog loslopend is. :-)

Bespreek vir jou 'n lekker naweek in die Kenhardt Hotel as jy wil wegbreek uit die stad. Die nommer is 054 651 0052.

Friday, April 3, 2009

Vrydag

Hierdie Vrydag 'n jaar terug was dit my swaarste dag van die hele toer ...
 
This Friday a year ago was the hardest day of my whole tour ...

Thursday, April 2, 2009

Een jaar terug ...

Op hierdie Donderdag een jaar terug het ek vir oulaas Mount Kenya (foto) gesien en toe die 560km na die Ethiopiese grens aangepak. Dit was hard. Twee dae later was ek in Ethiopiƫ.
 
Today a year ago I left Mt Kenya (photo) behind and started the hard section of 560km to the Ethiopian border. It was hard. Two days later I arrived at the border.